Байгууллагын үүсгэн байгуулалт

Онцлох үе

Нийгмийн тулгамдсан асуудлуудыг нээлттэй хүртээмжтэй хэлэлцүүлэх зорилгоор “Монгол Форум” онлайн хэлэлцүүлгийн платформыг хөгжүүлж, 2018 онд шинэчилсэн загварыг олон нийтэд танилцуулсан.

Бүтээгдэхүүн хөгжүүлэлт & Өргөжилт

2018 оноос бид үйл ажиллагаагаа өргөтгөн “Танин мэдэх аргад суралцах зорилготой залууст сэтгэлгээгээ хөгжүүлэхэд нь дэмжлэг үзүүлэх  замаар харилцан үнэ цэн бүтээдэг талбар байна” гэсэн эрхэм зорилгын хүрээнд цэгцтэй сэтгэх, логиктой дүгнэлт гаргах, өөрийгөө илэрхийлэх, хувь хүний хөгжлийн болон байгууллагуудад чиглэсэн сургалт, нийгмийн системүүдийг инженерчлэх судалгаа болон хэлэлцүүлгүүдийг зохион байгуулж залуусыг татан оролцуулж, тэдэнтэй хамтран зорилгодоо нийцсэн төсөл, хөтөлбөрүүдийг хамтран хэрэгжүүлсэн. Мөн өөрсдийн санхүүжилтээр нийгэмд тулгамдаж буй асуудлуудыг шийдвэрлэх 20 орчим судалгааны ажлыг гүйцэтгэж нийгэмд системийн инженерчлэлийн арга, аргачлалын талаар ойлголт, мэдлэгийг түгээсэн.  Ийнхүү 2022 оны төгсгөл гэхэд сургалт, судалгааны чиглэлээр 80 гаруй байгууллагатай хамтран ажиллаж хүрээгээ тэлсэн.

Олон улсын зах зээлд гарах зорилт

Олон улсын зах зээлд системийн инженерчлэлийн арга аргачлалыг таниулах, шийдлээрээ дамжуулан үнэ цэн бүтээх зорилгоор Залуу судлаачдыг дэмжих сангийн дэргэд Системийн инженерчлэлийн институтийг байгуулан Олон Улсын Системийн Инженерчлэлийн Зөвлөл /INCOSE/-ийн Монгол дахь чартеред салбар болон ажиллаж байна.